台灣之旅
8/11-11/11 台灣之旅
本身對台灣的印象都係食食食...再食...不過今次旅程完結之後,令
我急不及待想記低晒所有旅行遇到既事同人,仲有想再去的感覺!!
Day 1 8/11
到步後就開始下雨,飯店同台北車站雖然近,但都要行,於是我就同朋友
拖住行李係度"碌"樓梯再行一段長路去飯店..飯店比想像中環境好,雖然
外觀比較舊不過都乾乾淨淨
check in 完後就去左良品食牛肉面,感覺都可以雖然牛肉我唔太愛
第2站就係淡水漁人碼頭,到步時已經入黑,情人橋真係幾靚,不過可惜風
大雨大,我地想影多張相都難,更唔使諗上情人橋睇
同風雨博鬥完之後我地就去左淡水行街...食左魚丸同阿給..仲有我至愛
既酸梅湯~~!
最後一站去左士林夜市...人唔多..不過我啱食既野都唔多...最好味都係
柯仔煎...蛋,粉,同蠔仔一齊煎,感覺幾特別~~!
Day 2 9/11
今日係黑仔既一日....撞左2次板
首先係去到微風廣場諗住參觀黑松世界,但結果係內部調整唔開...激死
之後諗住去台北偶戲館睇....行左一大段路,又凍又下雨,結果係佢星期日
休館,我地俾旅遊書呃左...真係吹脹
運左2次桔之後我地就去左國父紀念館,係果度我逗留左足足2小時,亦有幸睇
到換兵儀式,佢地真係好嚴肅~~!!一d表情都冇....館內都幾多野睇...好多國
父既歷史同生平....國父真係一個無私同偉大既人民領導者...睇完呢段歷史
之後都令我有點沉重同悲痛的感覺...
夜晚我地去左五分埔同饒河夜市,五分埔係一個好大既香工既感覺....
Day 3 10/11
今日又有點運桔既感覺..一早諗住去亞坤食早餐...去到好似摺左咁
跟住再去第二間...佢竟然開例會十一點先開...冇野好講...哈哈哈
之後出發去九份....睇番簡介原來九份都曾經風光一時....不過呢個地方的確
風景幾靚....好多手信同野食...行左一陣開始下雨...令佢增添左悲情既感覺
九份之後就係台灣故事館,睇書已經好吸引....結果都冇令我失望..真係好似
番左五六十年代既台灣...好懷舊好得意...我仲忍唔住不停同佢影相
最後一站去左西門町..冇咩特別...似香港既銅鑼灣...
Day 4 11/11
最後一日懷住依依不捨既心情去左台北動物園...企鵝好可愛...可惜係又下雨...
我睇唔到袋鼠,靈豹...
成個旅程都好開心...雖然下雨令人有點掃興...不過好多謝我朋友做我 guide
否則我呢個路痴都冇咩可能自由行喇~~~
Previous in This Category: 休養生息 Next in This Category: 悠閒的週末

1樓
1樓搶頭香
哈哈!
你似運咗好多桔返來喎。
係呀~~ 不過都好開心
真係好耐冇去過旅行喇~