中秋節
三日既中秋節假期好快就過左喇...
星期六
夜晚出左去尖咀睇利曼大戰..
紅軍終於贏左喇....實在太興奮!!!!!
贏左之後全部人一齊唱會歌..人人都好激動..仲有人喊呀...
場面真係有點感人
我仲好好彩咁抽中獎~~~希望係一個好的開始啦
星期日
今日入左馬鞍山做節
今年因為舅父番左大陸做野..所以只得2家人做節
由將軍澳入馬鞍山需時個半鐘...真係好累好長的車程
同以往做節一樣,舅母都會準備好多好餸..婆婆因為冇人接所以冇黎..
不過都有一段時間冇見婆婆喇...唔知佢而家點呢...因為大家都住得好
遠...一個將軍澳,一個馬鞍山,一個大埔..所以見面時間真係少之又少...
又或者..呢個只係一個藉口黎逃避自己的不孝同冷漠...想到呢度..真係有
小小內疚感..
番家時,見到有小朋友玩燈籠...記得以前中秋節都會玩燈籠同煲蠟
今年見到有小朋友將營光棒捲曲再掛上樹..唔知點解..我覺得咁樣好浪漫好好睇
閃閃發光的樹真係好靚..
不過光好快就消失..靚既野真係好難永久保存...
星期一
今日係屋企發呆左成日
朝早同媽咪去大快活食左一個好難食既早餐..
之後就番屋企hea..本身諗住温下書但完全集中唔到精神
睇小說又冇咩心機睇...
三日既假期咁就過左...
好開心我又有新大計同打算~~~
Today's Visitors: 0 Total Visitors: 12

1樓
1樓搶頭香
你有乜新大計呢?
可否同大家分享?? :D
秘密秘密~~
定決定左先公佈都未遲..哈哈