新年
今年過新年...都算係最冇氣氛既一年喇
記得前幾年..屋企都會象徵式放個荃盒,擺桃花...
不過今年通通都冇...花市都冇去行逛
只係大夥兒初二去左grandma拜年唱K
細細個時好鍾意過新年..因為新年總會有一筆額外收入~~~
至於瓜子,朱古力,糖,年糕,蘿蔔糕...我都唔算太好....
直到近幾年..已經有點麻木...覺得過新年都只係一種儀式
不過..今年我又有另一d感受
初三時陪媽咪去探阿婆...事緣係婆婆跌親..
見到婆婆瘀左半邊面..覺得佢好可憐...
雖然佢係同舅父一齊住..不過可能大家關係唔太好...雖然同一
屋簷下..但感覺婆婆係孤零零一個人..
婆婆因為年紀大..近年都好小出遠街...如果唔係我地入去探佢..
見面既機會就更加小之又小
由於發覺呢個假期冇運動過..實在再忍受唔住自己既身體
於是初六果日去左打羽毛球..
打完羽毛球之後就俾我係商場見到舞獅採菜...應該係採青...
好得意啊...好多舖頭門口都掛住菜同利是....
令我覺得傳統野有時都幾有特色..
我都好想試下舞獅或者打鼓
初七果日...妹妹男友終於見家長喇~~~
見到佢有點緊張的心情同舉動..我在旁忍不住哈哈笑...
妹妹男友真人比相中斯文...
見到妹妹有人照顧...家姐都有點安慰有點感觸~~~果一刻更加覺得
妹妹真係大個女喇...有自己既生活....
今年新年都算係平淡中過渡....
希望黎緊都平平淡淡...順順利利啦
Today's Visitors: 0 Total Visitors: 6

1樓
1樓搶頭香
咁你都要加油呀!快啲讓家人感 到安慰啦。
hahaha!
我由細到依家俾人既感覺都係傻..唔識照顧自己
希望今年父母會對我有所改觀啦~~