VaVa樂在廚房

我又返離啦!!!!好耐都冇update個blog了.映左好多相都未得閒upload上離.今日先送上工展會篇先.咁大個女第一次去.有好多野睇同食.買左好多野.麻煩晒老公要拎咁多野.辛苦晒你了.

十二月十八日已由美國返左香港了.坐左十幾個鐘頭機.PatPat都硬晒.仲要架機鬼死咁多細路,真係嘈死..冇覺好訓.返離第二日就有blog聚.因mommy第二日就返新加坡.所以一定要出離聚一聚.今次Daddy都有join.仲有兩位新應識既blog 友.就係如月同Frances.她們都很nice.仲有Frances個囡囡好得意,好鬼馬.仲有一個blog友阿Pal.個日blog聚新相識的.因時差既關係,全程都冇咩出聲.真係唔好意思.

多謝各位blog友既伴手禮!!!!

這全都是上星期既收獲.都不算很多姐.有d係X'mas Gifts.不是給自已.今次都算慳左唔少.但都唔知點解,全都只慳在買給人既野.而自已買個d又冇得乜平,真衰.

我今次就係買左以下既野喇! 總共用左 US $479.59, 慳咗 US $167.52

每年感恩節第二日就係called "Black Friday". 當日大部份商店都會大減價.而且商店都會提早開門.我昨日就沒有一早去shopping.我等到下午先去,因為冇咁迫.好彩我都有d收獲.買完野就去左Cheesecake Factory道食lunch.不過要等位等成個幾鐘先有得食.
一陣又再出動,睇下仲有d咩平可以買離做X'mas Gifts.下篇post再報導我有咩收獲.

Today is Thanksgiving. Happy Thanksgiving to all of you!!!
I'm cooking right now. I'll post my Thanksgiving dinner as soon as I'm done with my dinner.

個焗爐總於整返了.咁第一時間要過下手引先.整返個簡單既香蕉牛油蛋糕.

今日係Flo姐同阿廣的大日子.老公係兄弟之一,今早已經去左阿廣道準備.我諗以家已經接左新娘了.很可惜我不能出席及感受不到現場的喜悅.但我心裡都等他們開心同興奮.
在這裡祝福他們 "百年好合,永結同心."

今天係最後一日返星期六這份工.在這個office已足足做了七年多.每個人都好nice,做得好開心.個boss又隨和又玩得.完全沒有老世款.臨走前他仲同我講 "Thank you so much for your hard working from the past years. I am very appreciate your works. If you need any help in the future, please don't be hesitated to ask or call me." 聽完之後都有d傷感.但沒有喊.因為下個月六號Christmas Party又會見面同十二號會返去洗牙.所以仲可以見多兩次.我個人咁眼淺.到時一定會喊.我諗住Christmas Party時,整cookies比佢地做X'mas gift.希望到時佢地會喜歡.

Lee隻雞係前個輪整既.咁啱見阿蘇又有教整豉油雞.咁今日就post佢出離啦!!阿蘇整既方法同我整既大至上都一樣.不同之處只是我用冰糖,佢就用片糖.阿蘇話用片糖上色靚d.但我用冰糖又沒問題喎.不過下次再整都會試下用片糖.睇下有咩唔同.(唔知係咪用片糖,可以落少d老抽.)仲有唔同就係我全程都係淋熟隻雞.而阿蘇就係每反一邊就煮十五分鐘.唔再講咁多..送上肥雞一隻.

唔知大家有冇睇TVB既"蘇Good!" 開頭睇第一集既時候,聽到佢隻歌己覺得好串.睇見佢做個節目時...直情覺得好襯佢本人.一開始睇,對她及個節目沒有甚麼好感.因佢實在講野時勁串同不留餘地.但睇睇下又愛上,係咁追住離睇.(你話我係咪犯咩呀!!) 雖然阿蘇教既菜式不是甚麼山珍海味.而只是家常小菜.但每樣菜阿蘇都會教個中Q妙.其實最簡單既,就係最難煮得好.好似lee個咁簡單既蒸肉餅.我整極都整到好硬.原來秘方就係要加水落d肉道.今次跟足阿蘇既教法.總於我做出離既蒸肉餅好淋,而不再是硬硬的.但因用水令到肉身淋.所以蒸出離都會比較多汁.如果大家都好似我咁蒸出來是硬的,大家不房try下阿蘇既教法.真係WORK嫁!!!!!

 

仲有五十二日就係我既人生轉捩點.我諗今次應該係第二次.其實都有一定既壓力.事前有好多野要準備和整理.今次既轉變有好與不好.但係人生就係咁.冇轉變或風浪,總不會成長.但有d人會選釋平平淡淡,無風無浪咁過一生.而我反而會覺得人生中有d改變或挑戰,會令到個生活更充實和令人生添上更多姿彩.但最重要都係身邊既另一半或親人會作出支持及鼓勵.

到差不多時候,先再同大家講係咩事啦!!

近Lee個幾月都在忙碌渡過. 所以無咩時間同心情去寫blog.

*工作*

又好耐冇寫blog了.咁最近又忙d咩???咪就係迷上左整十字繡.年頭到,已經開始左幅十字繡.係送比人既結婚禮物.個公仔係一對Q版新人穿上韓式結婚禮服.但遲遲都未整好...原因好簡單,一個懶字.整下又停下.就係咁樣,我諗這幅十字繡足足用了半年時間才完成.即係兩個禮拜前完工.完工後,心癢癢..又想整第二幅.今次lee幅係比我同老公.個公仔好Q嫁.唔知點解???咁次繡lee幅時好似開左Turbo咁.只係用左一個星期已完成了.現只差用黑線去outline幅圖.等我outline完就映d靚靚相,再post比大家睇.

咁懶既我都有玩下煮飯仔.不過係以簡單為主.近排愛上食Soba.但係就用離炒個隻.一袋有三包.夠晒炒個麵三個人食.

這個炒麵加了好多黑椒.辣辣地,最啱我lee d無辣不歡既人.