還有十三天...
對了, 今天要談談我對工作的睇法,
經過咗五天既考慮, 我最終的決定是...
我要辭職了。
考慮的因素有很多,
沒錯, 在這裡工作真的沒有甚麼壓力,
環境很好,充滿著喜歡的咖啡豆香味,
而工作既時侯又可以隨便和身旁既同事傾談,
沖咖啡也是我的興趣,每沖好一杯咖啡,
拉了一個很美的花, 出給顧客的時侯,
都俾到我一種好成功, 好自豪既感覺。
仲記得上個禮拜拉了一個很美的心給一個女顧客,
看著她攞返埋位既時侯拎左部手機出嚟左拍右拍,
真的真的非常開心。
不過,有得就必有失,
工作上的開心換來了陪伴其他人的時間,
你......家人......朋友......
愈工作得耐, 這種感覺就愈強烈,
你可能會認為是我唔捱得,
宜家出面都有好多人返工返到十一二點先可以返到屋企,
不過,我自己清楚我想要的是甚麼,
沒錯, 開咖啡店, 或是現在做一個咖啡師,
是我一直以來既夢想,
但漸漸我察覺到這並不是我的理想,
我曾經同你說過,
我感覺到一直以來的信念是想滿足我身邊的每一個人,
不怕搞很多派對聚會, 不介意專登渣車出來接大家,
總愛將自己的行程編得密密麻麻, 預留給不同的朋友,
可能你會覺得很平常, 但這確實是我個人的諗法,
好像要做到這樣才覺得有自己的價值,
細心觀察, 自從我做了這份工之後,
我開始update 返 facebook,
是真的想與朋友分享嗎 ?
還是只想證明自己還存在著,還有價值?
至於這次辭工的決定真的很特別,
我和我屋企人, 加上親戚, 商量過,
以前都不會這樣想的, 覺得工作依啲野都是自己的,
想做就去做, 想走就走,
不過, 可能情感抑壓得太耐,
我係大家晚上食火鍋既時侯說了出來,
很感動, 原來他們一直都有留意著我,
他們都感覺到我一直對自己既事業很煩惱,
亦知道了原因所在,
一方面開解著我, 一方面亦鼓勵了我
去到我姨姨佢地用筆寫低了佢地認為我一直欠缺的東西,
叫我諗吓係乜野,
而最後係由我媽媽道破了,
嗰一吓我真的激動得控制不到眼淚了,
一直在流,媽看到我這樣也在流,
好感動, 真的好感動,
係嗰一刻我就決定以後一定要對我屋企人好啲好啲,要比現在好好多好多。
而嗰兩個字, 我留起了, 貼了在自己的房中, 那就是 --- 自信。
講返正題, 那我以後打算怎麼樣,
我會積極的搵工的, 為左不再辜負佢地,
不過你問我打算做甚麼, 我暫時真的不會答到你,
有點寄託係未來既歐洲旅行可以找到答案,
我也在試試用一些心理測驗認識多點自己,
不過可以肯定的是,
我要求工作既時間要穩定,
收入不需要很高但一定要穩定工時,
我沒那麼多的時間去為自己未來的晚年做準備,
但我想珍惜更多的時間去陪我身邊的人。
縱使他們可能認為自己根本不需要我陪,
但這就是我自己的信念, 是從我自己出發的,
我是這樣想。
距離六月十一日last day 都仲有一段日子,
我也會好好珍惜這段夢想,
至少, 我曾經做過, 己經很滿足的了=]

No one can comment