笨媽輕鬆記事

無左「輕鬆記事」的心情啦~
所以唔寫 lu~

第日開新版再通知大家啦~
祝大家輕鬆愉快~

我地聽日去海洋公園玩啦~~~

bye bye ~~~~

老闆借了幾本漫畫給我看, 書名是「與光同行」,
是一個「家有自閉症兒童」的故事,
是一個令人邊看邊擦眼淚的故事...

我好幸福啊, 有一個愛詐媽嬌、愛被擁抱的孩子,
同為人母, 書中的媽媽卻無法擁抱自己的孩子,
她多想多想把所有的愛都給孩子、緊緊的擁著小心肝寶貝,
把所有自己會的東西都教給孩子,
但孩子卻不接受她, 連抱一下都不行, 甚至正眼也不看她一下...

有一個會擁抱自己、依戀自己的孩子,
原來不是「應份」的,
多少我們擁有了的幸福, 我們不知感恩,
一概 take it for granted, 原來是身在福中不知福、不惜福!

「我主你給我這麼多, 我知是因為你愛我,
不知該如何來報答你, 願今生為主所用!」

1.
鐘意 complain，十足多多果陣成日話「次姨呀，lum lum呀！」一樣～～
不過因為lum無乜投訴對象，所以除左笨爸同笨公公受害外，
主要受害人係０的公仔．．．

2.
鐘意扮唔開心、扮嬲，通常係嬲０的公仔，
會「生安白造」０的罪證俾公仔，仲會話佢地係「專登曳」，
享受公仔道歉同 tum 返佢的感覺～

3.
但有時又會懶好咁錫返０的公仔０架喎，
又會將心愛的「奶奶」同公仔分享添！
如果我係佢０的公仔，都會覺得幾無所適從０架，WAKAKAKKAKAA

4.
識得同人分享，就算心愛的野，如奶奶、糖糖，都會同所愛的人分享，
得益者通常係笨媽、笨婆，WAKAKAKAKA～（笨爸都有份０既～）

5.
開始建立「自我」同「自尊心」，做錯事會抗拒認錯，仲會喊，
（係好傷心、難受果種喊，唔係細個俾人鬧時的「哭鬧」），
睇到佢開始會「同良心交戰」：道歉？唔道歉？

6.
識得擦鞋，扮乖巧，通常係唔訓覺，激到笨媽就快「變怪獸」時，就會扮乖巧，
比如懶好口、字正腔圓咁話：「對唔住呀，媽媽，我乖返啦」，
又或者走上走落床N次，再上床時突然話「唔該媽媽開蚊帳俾我入黎～」
攪到你唔好意思再鬧佢咁！

請選出合適動詞:

1. We are well aware that a number of variables (has/have) attracted his attention.

2. We have found that the number of variables (increase/increases) constantly.

以下句子錯左邊度呢?

1. He is one of those people who has confidence on himself.

2. The committee is comprised of six people.

而且, 証明呢個世界有好多好多「沉默」的叻人!!! 勁啊!!!!
真係敬佩、敬佩啊!!!!!!!

尋日笨婆婆好窩心咁叫小笨等爸爸媽媽放工先拆禮物,
笨媽放工, 問小笨得咩獎, 小笨好快咁答:「禮貌好寶寶!」
點知笨媽沖完涼入房見到小笨張「獎狀」, 明明係寫「整潔獎」喎....
是但啦, 總之, 係一張獎狀加一份大玩具~~ YEAH~~~

到底一張獎狀加一份大玩具, 算係兩個獎定一個獎,
笨媽都唔係好明, 不過有理由相信, 其實係「豬肉獎」,
即係人人有份果種~
不過笨婆婆話, 個個的禮物都唔同, 有大有細,
所以我估, 可能乖0的就大份0的, 唔特別乖就細份0的咁,
至於真係好叻叻, 至可以響結業禮度上台領獎~

咁, 小笨果份都算幾大份喎~~~ 呵呵~~~ (*虛榮中*)


*****
作為一個母親, 當然係有少少虛榮0架啦,
諸位鄉紳父老請多多包涵呀~~~

BB 小笨, 真係大個左, 唔再係 BB 啦!!!!
佢唔單止乜都明, 仲識得「失意」添!!

話說上星期六, 笨宅出席幼稚園的結業禮,
典禮上面當然有頒獎環節啦,
小笨果班陸續有小朋友得獎,
頒到「進步獎」時, 一個初時成日喪喊、後尾乖左好多的小朋友得獎,
笨婆同笨媽就話:「如果無豬流感, 小笨 keep 住好乖咁返學, 一定會有進步獎」
之後, 學校又頒「好寶寶獎」, 要求係「乖」同埋「準時返學」,
笨宅同寅一聽即刻「噴飯」, 大家三咀六舌咁話:「呢個獎小笨實無份啦, 成日唔返學, 返學又例遲!」
初時小笨好似「時運高」咁, 好似聽唔我地講野, 淨係傻更更睇住台上的小朋友得獎,
點知笨宅「欺人太甚」, 你一言我一語, 係咁「0者」住小笨,
攪到小笨攬住笨媽、擰轉面!!
WAKAKAKAKKAA
我估小笨都會覺得失落, 因為無得拿獎嘛, 仲要俾人笑佢唔返學添!

點知好衰唔衰, 頒完獎, 校長過黎同小朋友打招呼,
第一句又係同小笨講話「你做咩成日唔返學呀, 要叻0的返學至得」
攪到小笨又無曬表情, 梗係啦, 一講「返學」佢就「掃興」0架啦,
仲要0岩0岩俾人笑完添!

跟手班主任郭老師又黎打招呼, 第一句又係問:「做咩成日唔返學」
真係笑到笨宅各人噴曬飯!!!
小笨當然係無曬心機啦, 點知呢個時候老師帶來一個好消息:
「你就夠曬整潔啦, 可惜成日遲到, 拿唔到好寶寶獎, 不過你都有兩個大獎喎,
星期一返到學校會頒俾你, 你記得要返學啦!~」
嘩!! 原來小笨都有獎呀~~ 笨媽都鄧小笨開心~~
於是笨媽就鼓勵小笨:「嘩, 原來郭老師話小笨差少少就可以有好寶寶獎啦, 原來小笨咁乖0架~ 好叻喎!」

全程小笨一直「不動聲色」, 無出聲, 無笑無喊, 無應人, 直至...

下午返到麻麻婆, 巫兄巫妹咁0岩又係呢日派成績表,
巫妹拿到「操行獎」喎, 大家都讚巫妹啦,
呢個時候, 小笨好proud咁話: 「我都有兩個獎啊, 郭老師話差少少就可以去台台度唱歌表演!」
(後部份有少少錯, 其實係差少少就可以上台領獎)

哈哈, 原來小笨真係全程都明白大家講咩0架!!! 而且仲好上心添~~!!!!!

1. Neither Sam nor Nelson (consider/ considers) her opinion to be appropriate.

答案: considers
解釋: sam 或者 nelson, 即係是但一個人, 單數, 動詞要加 s

2. Neither Sam nor the others (consider/ considers) her opinion to be appropriate.

答案: consider
解釋: 因為唔知係 sam 定係 the others, 唔知單數定眾數, 咁就「跟最近果個名詞」,
即係跟 the others, 咁, 即係眾數, 動詞就唔駛加 s~

1. Everyone is aware that his supervisory is smarter than (he/ him).

答案: he
解釋: 以 he 和 supervisor 比較, 兩個都係主語, 咁, 主語就用 he.

2. I am sorry that my client is more interested in discounts than (I/ me).

答案: I
解釋: 以 I 和 Client 比較, 主語, 用 I

答案: Me
解釋: 以 I 和 Discount 比較, 謂語, 用 me
等於話: 個客人鐘意0的 discount 多過鐘意我, 嗚... (WAKAKAKKAKAKAKA)

1.
尋晚上完英文堂, 差0的唔識返屋企, 因為有人跳軌, 無火車搭...
好彩響美心食完飯, 已經通返車喇~
香港地, 真係好有效率!

2.
上次同笨姨媽佢地去左食 Grand Harbour Hotel 的超貴 Buffet,
價錢相約, 我就情願去黃埔海逸啦, 好食好多咁~
驚人發現:

a. 笨婆婆竟然叫米高做「MJ」, 潮到爆!
b. 酒店女廁入面有幾盒野, 心諗幾好喎, 有M巾, 點知一睇, 係「浴帽」!! WAKAKAKAKKAKA
c. 笨表哥, 食完晚飯搭地鐵時, 轉左聲喎有幾個音!!! 大個仔啦~~~~

3.
今個星期五去東莞, 係帶團, 即日來回,
總算「圓」左「公幹」的心願~
唔知會唔會豬流感呢?

4.
打算報一個中醫食療文憑, 讀年半, 一星期一堂, weekday night,
可以幫人又可以幫自己, 仲可以調理下家人的身體,
但笨爸一聽要個個星期上堂, 仲要錢添, 即刻反對,
車, 上一堂之嘛, 又唔係晚晚上, 咁, 我都要學習、都要成長、都要有空間0架嘛!
所以, 我無打算彩佢囉 :p

5.
小笨呢排成日告狀,
笨爸一制止佢某0的野, 佢就即刻話「媽媽, 爸爸話我啊」, 激死佢老豆,
最無辜笨公公, 知道小笨鐘意食糖, 吼笨婆婆、笨媽唔知, 拿糖小笨食,
小笨竟然報串, 話「公公俾糖我食啊! 唔可以食咁多糖0架, 會咳咳0架!」
攪到公公唔知好嬲定好笑!
通常遇到小笨告狀的情況, 笨媽都會「賴好」咁話小笨「爸爸唔係話你, 佢驚你xx0者」,
又或者「啊, 公公錫你, 想請你食多少少0者, 不過你都好乖, 咁你俾返粒糖公公啦」
表面上做曬好人咁, 查實笨媽見笨爸同笨公公俾小笨告,
不知幾心涼, WAKAKAKKAKAKAKA!!!!!

6.
小笨呢排, 好似多多兩歲半黎香港時咁,
除左鐘意告狀 (多多果陣係告小笨, 成日話「次姨啊!!!! lum lum 啊!!!!」)
仲好似多多咁, 鐘意扮唔開心,
佢會同0的公仔講「你曳曳, 我 upset啦, 你係咪衰衰呢!!」
仲會問笨媽「媽媽, 熊貓係咪衰衰呢!!!」
攪笑~~~

1. Neither Sam nor Nelson (consider/ considers) her opinion to be appropriate.

2. Neither Sam nor the others (consider/ considers) her opinion to be appropriate.

1. Everyone is aware that his supervisory is smarter than (he/ him).

2. I am sorry that my client is more interested in discounts than (I/ me).

大個左0既小笨, 呢排似乎有少少想戒夜片 (宜家淨係夜晚訓覺至著片),
久不久就會半夜喊, 話有「liu liu」要去罐罐 (potty)痾,
以前笨媽會叫佢痾片片度, 佢都會肯,
但後尾佢唔肯啦, 笨媽亦覺得自己唔可以咁懶, 畢竟小笨遲早要識去廁所痾夜尿0架嘛...
於是....

由於我地有落蚊障, 所以抱小笨去 liu liu 就加倍論盡,
加上隻小 monk 薑好眼訓, 就想喊想喊咁,
又手軟腳軟要抱喎,
去到 potty 痾痾下又會訓著左, 抱上黎著褲又無力企咁,
真係論盡!
最慘係, 笨媽自己都睡眼惺忪、手軟腳軟咁丫嘛...

今朝返工, 一邊諗, 以前笨婆婆都幾慘,
因為笨媽細時好驚黑、好驚鬼 (宜家都係~)
夜晚liu liu 要叫醒笨婆婆陪, 要笨婆婆坐響廁所門口,
仲要話「媽咪, 你講野啦, 你講野啦」
到好大個都仲有咁0既需要, WAKAKAKAKKA
唔怪得笨婆婆以前成日搭車都 hub 眼訓啦~~
如果係我, 我一邊行一邊訓添!!

母愛, 真係太偉大啦!!!!
(好彩四條化骨龍得笨媽一個有咁0既「需要」0乍~)