“Ｌaｉc ＣLＡI

http://blog.yam.com/LaicCLAI

呢個就係我新既日記，
已經打左一篇入去，
同埋新既相片都放晒入去，
以後相簿都會係個到架喇~
當然舊既學校相片仲留係呢個網既連結，
得閒click入去留念都好呀~~

我真係好想大聲咁講：「我好愛我老公～」＞口＜
每一日番工都會經常大喊：「我好掛住我老公～」
我同事就會用不屑的眼神望住我，然後話：
「你有冇咁掛住佢呀？每一分鐘叫一次好煩呀！」
我就會ｏ都起個嘴話：「咩喎～我係掛住呀嘛～」
然後我又會再叫多聲，我同事就快被我氣倒了～
每到差唔多六點既時候都會望一望隻錶，
因為六點半老公就放工喇！有時候都會打個電話，
不過通常傾唔夠兩句就會掛線，真郁悶呢～
有很少很少很少的機會老公係電話會不斷講野，
呢個時候我都最唔想有人來打擾，係快樂既時光，
不過意外呢ｄ野好難避免，每次因為有客人黎，
搞到我都要依依不捨地ｃｕｔ線，個客一走，
我就會對住個客既背面狂鬧：「阻鬼住晒我講電話
又唔係黎買野運吉架好心就死開ｄ啦ｘｙｚ．．．」
我太激動呢～成日被老公話我：「痴線／變態／
碌油皮／有病就睇醫生啦～你個病好嚴重呀～」
乜我真係好碌油咩Ｔ＾Ｔ只不過係笨拙左少少少少者．．．
識我既人都公認人家係個變態架啦～嗚嗚．．．Ｔ３Ｔ
我都冇病，做咩話人有病架，話人有病先痴線呀哼～～
由於愛佢多一點，所以我會更瘋狂一點，總之就＞３＜錫！
唔知佢會唔會睇到呢～不過之前問佢都話好耐冇睇日記，
即係我家陣打乜佢都唔知啦～Ｈｅｈｅ．．．＠ｖ＠”
好開心！！係自已屋企見到佢送既個隻ｂｅａｒ，
每日都會摟下佢，講聲：「小森森～」真可愛呢！～
當我張床訓到我頸緊膀頭，痛到阿媽都唔認得既時候，
我都會諗起佢張ｋｉｎｇ　ｓｉｚｅ床，軟綿綿、夠彈力，
雖然係比較污糟（咳．咳．．），但真係好好訓～
而且有埋老公既體味，聞多兩聞就會好快訓著架喇～＞ｗ＜
仲有諗起老公美麗得像女人既靚面容，捲曲的眼捷毛、
嫩白的肌膚（可惜美中不足的是他的胡子！）、挺高的鼻子、
桃紅粉色的嘴巴，仲有加上他的ｓｅｘｙ　ｂｏｄｙ，
簡直霎時為我的腦袋帶來視覺衝激，精神為之一振！！
以上所說全是實話，我冇講大話呀～～Ｔ口Ｔ唔會甩大牙～

網球王子出左新架喇．．．快ｄ追快ｄ追～ＹＯ！

上回提及到那個所謂跟蹤我既不明男士，
佢，終於都add左我msn並有了兩次既對話，
不過大多數我都冇咩特別回應，只係有問有答，
首先佢話自已係「從未試過咁大膽識一個女仔」，
我話「我唔信」，可是佢出絕招話「發誓」，
我都無謂再以此點繼續執著，然後芳齡23歲，
中學中5前讀董玉娣，然後到陳黃淑芳repeat，
升到中7，之後畢業於浸會大學……其他以下省略。

信不信由你，對我而言，根本沒有信不信可言，
某程度上他可以稱之為喪心病狂，因為皆因佢一句：
「我住山景架，不過我都有良景田景兆康，
可以跟住你落車。」這個倒是不必了…= =
但是他說話確實很無聊，單憑短短幾句說話中，
看得出其實他是一個很怕寂寞的人，沒什麼朋友，
升上大學也沒好幾個三五知已，實在悲哀，
對於呢種人，我不時都覺得很可憐，
到底他們是怎樣活下來的？每日重複的工作，
沒什麼可傾訴的對象，番工之後等放工，
星期六日不是休息頂多就係去行下街，
又或者搵多份兼職去消磨一下餘下的時間，
到現時為止，我只有5%明白到個中的感受，
老實說，我覺得我男朋友都少許貌似呢類人，
其實有些人真的因為怕寂寞怕得很緊要，
不斷去追求另一個伴侶，這個人應該也是，
他說了一句：「自從分手之後，我的電話變成電話亭」
他只是23歲，屬於平均壽命的三分之一，
就已經開始抵擋不住那種沉悶，餘下的時間怎過？
寂寞明明不是一種罪，為何人們總好像當成一個過錯，
不斷去尋求彌補的方法？就像快要面對死亡一樣，
待不及、等不到，最好將寂寞的時間縮減到最短，
我心想有冇人真的能一直寂寞到終老？想必沒有。
我很怕寂寞，因為那個時刻我一定會哭泣，
聲撕力歇地哭，哭至肝腸寸斷，直至水份斷缺，
喉嚨乾涸，不飲不吃，所有營養流失到死去為止。

很多時候很多事情我不明白，亦不願太快理解，
明知道那一天距離我不遠，那一天根本我有機會接觸，
我不想聽到任何人對我說的「訓話」，強行加進我身上，
單是憑口講，沒用的，沒什麼比得上親身去正面交鋒，
腳不行進針板上，是感受不到痛楚，所以我寧願靜待，
欲速則不達，假若我有這一天，我會做足心理準備迎接。

但最後可能我是寫一套、講又一套、做又另一套。

因為自已好冇記性，唔記得自已追緊邊套漫畫，
都係以後記低比較好，等我save定呢篇野先~

高速交通隊 第1卷
夏目友人帳 29話
黑執事
SKIP BEAT 135話
愛麗斯學園
XXXHOLIC 173話
TSUBASA翼 213話
LIAR GAME 79話
死神
名偵探柯南
HUNTER
ILEGENES黑耀的軌跡 14話
龍虎斗 14話
櫻蘭高校男公關部 68話
銀色鑽石 49話
最高機密2008 第5卷

今日係我第一日失業，做左量地官lu....
冇錢真係好痛苦，正當我係咁諗既時候，
之前好有錢果個肥仔竟然sd sms過黎，
事隔成兩個月，我都已經唔記得佢個衰樣，
都幾個月故意唔接佢電話，乜佢仲咁有心機？
定係佢冇女人陪下佢，所以先至不斷搵女人，
可是我已經有個好好既男友，所以一收到，
立即按下「刪除」字樣，樣衰就唔好黎搵人啦！

講番黎琴日，被人跟蹤，唔知第幾次=.=
我差唔多行到樓下球場果個人先至同我講野喎！
我最深刻個一次係上年行花市既時候，
跟住阿怡跑足成九條街個野先搞笑！！= ="
自已一個人大叫完之後拋下我走鬼左去，
所以話行夜街都唔好只係搵阿怡一個人，
因為有咩危險事發生，佢自已會走左去先！
大家都知我一個人行路既話速度係超快，
基本上一個普通男人最追得上我腳步，
都要花點氣力先得，貌似上輕鐵已經見到，
但冇咩留意，佢行我後面，差唔多接近樓下，
突然聽到有人講野，向右望就見到有個男人，
佢問我：「我可唔可以同你做朋友呀？」
我個陣時都O左嘴唔知點答佢，但我隻腳仲行緊，
佢見我唔出聲，佢又問：「可唔可以講你個名我知？」
我開始驚，條街都我同佢兩個人咋T^T！！
我搖頭話唔好意思，繼續飛快地行啦！佢仲跟住！
之後又問：「一係咁，你俾你msn我喇~」
終於行到樓下個門口喇！心諗條路點解咁長架？！
為左打發佢走，最後都俾左佢...唉...
最後仲企係到一直望住我入閘門，同我講byebye...
不過最令我驚訝既佢竟然識讀henrietta呢個名喎~
好野喎又~聽佢英文口音水準幾好bo！讚還讚，
下次都係搵火柴人、SOSO行街我實唔會有事先，
至少就算被人強姦都係搵佢地都唔會搵我先=v=V

現在能夠同我聯絡既方法除左電話之外，
我知唔少人因為我要番工，驚阻住到我，
加上自已都要番學，所以都冇時間打俾我，
所以就用起傳統的方法，就係ｅｍａｉｌ～
係一年前我仲未諗過會用到呢種老久方式，
但有時候不得不承認越原始既方法係越ｗｏｒｋ～

想ｃｏｐｙ番某段我覆人既信件既內容，
我自已想講出黎好耐既一番說話．．．（應該是）
我覺得我此話能夠回覆唔少我ｄ朋友想講既野。

＋＋＋＋＋＋＋＋＋＋＋＋＋＋＋＋＋＋＋＋＋＋＋＋＋＋＋＋＋＋＋＋

２２／２／２００９　３：５９ａｍ

我d同事個個都咁講，因為講真我呢個年紀仲可以繼續玩，
但我唔想保持住呢種態度去面對我既戀情＊＊＊＊＊＊
然後仲會話上網識既真係唔好盡信xyz等等既說話我都聽得煩厭，
唔係話忠言逆耳＊＊＊＊＊＊我覺得愛一個人就應該信一個人，
我站番係我男友立場黎睇，佢都係上網識我約我出黎見面，
我講d乜野有可能係假既，佢都可以唔相信我架~道理咪一樣~
呢d野冇話咩好唔好信，條路係自已行既，人係我自已選擇，
就算以後有一日我地要講個兩隻字，未必因為係佢衰，
佢騙我先會有咁既地步，點解d人就唔會向另外方面諗下，
一味淨係覺得我會被人呃？有冇諗過可能有一日轉頭係我呃佢呢？


當然最後個句．．．我係打個比喻，唔係真係有呃過。

人生真係好苦悶，唔係讀書就係番工，
之前講過話唔做，都辭左職架喇～
我真係要係呢段時間好好冷靜一下，
到底我做梗乜野，同梗咩人一齊，
每次都太衝動了～咩都唔諗後果，
導致我失去好多野，最後受到傷害，
我一味講點樣彌補過去，但一味衝，
係時候停一停，諗一諗～現在的我，
想尋回我既大志，當我失去了目標，
果然如同廢人一樣，明知做唔到，
但都肯去嘗試，以前我咪係咁諗囉～
如果好似我同事咁樣，淨係掛住
快ｄ揾個老公養自己，咁死得啦～
完全唔顧將來成就，揾錢都靠人，
我去死算喇！我唔明點解冇男人，
就好似生存唔到咁，為何唔掉轉？
冇女人男人就生存唔到？改左佢啦～
如果可以的話，真係想今年８月CW，
或者動漫節開counter，叫埋ive個fd，
仲有manlee、火柴人、oyiu佢地，
五個一齊夾錢搞，可惜佢地要讀書，
下年更加唔得，唯有等下下年吧～= =
總之呢個月睇下有咩野準備報名學啦～
至於其他事情一概不理，積極時期，
始終殺出一條血路先至最重要！！！

黎近２日ｌ４日請上一上呢個ｂｌｏｇ～
到時我想出份愛情問卷俾大家答下，
留言回覆要用悄悄話，到了１７號揭開，
咁樣玩其實幾有意思，你會留意到，
每個人的愛情觀唔相同之處～^^

一生人中講得最多粗口，真係莫過於今日！
何解我會火到不斷爆粗？！仲要今日總共有兩個人，
都話我狂講，一個係我老公，一個係牙楠～
真係火到上天花板！Ｓｅｍｋ呢間公司我實唔記住你！
一向嬲人都會話：「我實記住你架！」但我要掉轉，
因為我一ｄ都唔放呢間公司在眼內！！

當初我早就講過唔做，但因為ｙｕｋｉ話：
「你捱埋佢啦～到時咪可以番奧海城做囉～
話晒都係你拎鎖匙，佢唔會想俾第二個拎架～」
所以我都暫時留番係到拒絕左另外一份工，
但到今時今日，忍無可忍，鬧都鬧左咁耐．．．
連一個倉務員牙楠都話佢地根本想整走我囉．．．
個經理都同佢講話可能唔要佢，不過俾個機會，
有時冇野做叫佢頂住做ｓａｌｅｓ囉～＝　＝
邊有咁多個ｆｕｌｌ　ｔｉｍｅ都唔掉，
剩係掉我一個周圍走？車錢都浪費唔少啦～
我轉做ｆｕｌｌ因為你話會ｃｕｔ我鐘數，
仲哄我話有佣我先肯轉，到頭來叫我周圍走，
而且冇佣，人工仲少過做一個ｐａｒｔ既～
咁我都算喇．．．你仲要鬧人，有冇搞錯？

話就話好聽ｎｏｗ為左近我，而掉我係ＴＭ，
但我企左３日就被人狂插，佢都唔係第一次喇～
又話生意額差，又話我ｓａｌｅ野，算吧啦佢～
咁叻叫果位姣婆什麼ｂｅｌｌ落黎企係到囉～
今日第一次見到佢，ＭＫ！！唔怪之連個老闆，
都唔鐘意佢～一落到黎就話ｄ位好唔掂又乜又點，
我心諗ｄ位又唔係我搞架囉～落貨都唔係我落囉～
個死人阿ＭＡＮ仲要當住我家姐面，話我遊魂，
好似死老豆咁既款，跟住見我家姐係到，先話：「
對唔住呀～我唔係有心架～因為我真係搵唔到
第二個形容詞去形容。」我頂佢個肺！！！
即係我家姐唔係到，佢真係唔會同人講ｓｏｒｒｙ囉～
而且佢只係同我家姐講，佢唔係同我講囉！
識唔識尊重人架！？我好想有你呢份工呀？！
你要炒咪炒囉！我知～你擺明想逼我自已辭職走，
因為要一個月後先走得，咁你咪好著數囉，
有個人可以用盡多一個月之餘，用得幾盡就幾盡！
然後名正言順貼番張公告話請人，你估我唔知你諗咩～
又話我好似食左丸仔咁，又唔見你咁鬧其他人？

ＴＭ得幾百蚊係我問題？家陣係我有問題定你有問題？
明知ｄ人家陣會慳ｄ洗，都唔會亂洗錢，就算洗，
都洗落衣食住行啦～仲話個舖位旺？由我第一日企，
周圍舖頭ｄ人都問我係咪覺得好悶？因為呢到好冷清！
人地牙楠企ＴＭ都係幾百蚊咋，佢都話佢個日企，
悶到死，都係自已一個人拎下電話出黎呢到整下、
個到整下過一日＝．＝明明落貨、執場唔係我搞，
又要賴落我問題，好野～我發覺Ｓｅｍｋ　ｄ職員，
永遠都係吹唔漲！家陣執靚左，如果生意真係好左，
都係全靠我執得靚咋！！不過到時佢地實會話：
「一早咪叫你去執場啦～我地話執先至有生意咋～」
將所有功勞歸於自已，ＳＨＩＴ！！！！！！！
我真係唔再做呢份工架喇～我見我同事都捱得好慘～
我唔會再信ｙｕｋｉ話做完ＴＭ就番奧海城囉～
個陣咪又係咁講，家陣我人在哪裡了？好難講囉～
難保唔知佢係邊個偏僻位開個ｐｒｏｍｏｔｅ位，
然後扔我過去番工囉～呢個機會十成十啦～
每次每次都係咁！！實在欺人太甚！我知你想炒我，
因為家陣出面要請成千人等排隊，佢咪請爆佢囉！
佢根本唔驚冇人頂，只不過想逼我自已講出口，
咩都怕蝕底，連人地做個ｐａｒｔ　ｔｉｍｅ，
都要狂ｃｕｔ鐘數，又擺明唔想俾人地拎鎖匙開舖，
個個都話唔俾？自已咪叫ｏｆｆｉｃｅ　ｄ人開啦！
唔係因為我家姐係到，我真係故意射波等你炒．．．
唔通仲俾著數你呀？咁你咪好開心？咩都益晒你？
要幫你做埋個一個月先走得，你都好野架喇．．．
個陣時又話咩未做夠３個月ｆｕｌｌ一個禮拜通知，
唔知點解我講既話會變左係一個月通知囉～有冇理由呀？
唉呀！真係氣死我喇！你話係大公司、做文員長職我都忍！
我只不過做間少少精品店既ｓａｌｅ都被人咁鬧法，
你當我係咩？！係草呀？我後生就要被你唔尊重？！
我死老豆既話你老母老豆加你老婆都死鬼左好耐啦．．．
講起就係Ｆｉｒｅ　ＯＮ！！！！！！

最想買的當然是名牌啦～
但我要的名牌是顏料．．．屈人機＝　＝

想買Ｃｏｐｉｃ　Ｍａｒｋｅｒ很多個世紀了．．．
終於搵到邊到有得訂，但真的很貴很貴很貴Ｔ＾Ｔ
四千幾蚊七十二隻色，仲要已經平左個隻喎．．．
一買大多數買百幾隻色為之差唔多，加埋都九千ｌｕ～
仲貴過我一個月份人工＝　＝”哪有可能買得到？
但那是最出名的ｍａｒｋｅｒ呀！！！！～～～～～
很多設計師，無論服裝、建築、漫畫都可能會用到～
唉～還是買Ｎｅｏｐｉｋｏ吧啦～起碼便宜不少吧～
香港貌似找不到ＴＯＵＧＨ，其實真係好難買到，
水性同油性ｍａｒｋｅｒ係人都聽得多架啦～
用乙醇做既一流ｍａｒｋｅｒ真係除左去美術中心，
真係幾乎冇乜地方買到，而且好多間都未必有同齊貨～
怎麼我學費未儲，就不斷洗錢？不過家陣就煩在：
千金難買心頭好。你要佢出現係你面前先買到架．．．

仲有聽講用Ｙｏｋｅｎ會令人生ｃａｎｃｅｒ架～
家陣要停產，我記得學校都有買呢一隻去用，
ｏｙｉｕ、ｍａｎｌｅｅ你地記得唔好用喇～
ｉｖｅ個阿ｓｉｒ都推薦呢隻，不過搞成咁，
大家唔好咁拼命去油喇～之前仲偶然用過幾次添～
本來個陣時都想買番盒放係屋企，真係好彩冇買到！
係人都知我外甥女最鐘意玩我ｄ顏色筆周圍油！
你地估下買左番黎唔夠兩個鐘可以全屋既牆都花晒，
到時就睇下佢地玩得開唔開心．．．

最近我奧海城個同事ｙｕｋｉ被男仔追喎．．．
不過係個１９歲男仔黎，我同事都２２歲～
到底兩人係點識？岩岩好個日我放假冇番到～
聽講那個男仔同好幾個朋友一齊入舖頭，
其實佢地幾個人都好似係岩岩識唔多識對方，
跟住唔知點樣就問我兩個同事電話同埋ｍｓｎ，
有個叫ｋａｒｅｎ既早就有男朋友，對住呢ｄ人，
當然唔好理啦～都唔知係乜水黎就問人電話喎～
ｋａｒｅｎ就唔俾啦～但ｙｕｋｉ就有俾喎～
我對呢種人始終不太感興趣，就同佢講話小心ｄ，
傾左好幾日之後，個男仔死追爛追明知細過佢，
都話要由朋友開始喎～其實我真係幾妒忌架～
佢話過佢之前有兩個男朋友都對佢好好架～
佢份人真係公認野蠻又高音又經常發神經個種人，
仲話鬧極、對佢男朋友冷淡，佢男友都對佢好好，
又不捨不棄，仲要係靚仔！真係好仆街呀！唉！
明明佢已經一百二十幾磅、生得好矮腳短、樣子普通，
點解就有咁多好男人搵佢？！今日仲要走黎搵佢～
真係死唔斷氣喎！夠晒痴情！但我睇得出果個人，
都係諗野幾成熟同ｓｍａｒｔ個種人黎ｂｏ．．．
佢同幾個人有男有女一齊黎，有個唔知叫咩名既男仔，
話自已１８，個樣都唔似，問左我拎電話同ｍｓｎ，
咁我都俾左．．．都同佢地傾左陣，ｏｋ咁啦～
諗番起，ｋａｒｅｎ個男朋友仲好，樣又唔差，
人又細心，連一向都好挑剔既ｙｕｋｉ都話佢好，
一個禮拜有五、六日都接佢放工，又唔係話住得近，
總之呢個男仔我都睇得出佢好好好好好好好到貼地！！
ａｐｍ個同事，個新男朋友細佢兩歲都對佢好體貼，
不過我至唔鐘意佢地兩個要親密，都唔好衰到
扔下我一個自已睇住間舖頭，佢地就走出去周圍行，
一走就走成個鐘搞到我好悶又好無奈．．．唉～
真係激死我喇！點解冇人追求下我等我開心下架？！
不過今日又見到ＧＩＯＲＤＡＮＯ個男ｓａｌｅｓ．．．
佢行過望到我又笑左一笑，我春心動～哈哈ＸＤ！！
不過真係幾好樣架．．．可惜兩日後都番屯門做ｌｕ～
唔可以經過下間舖頭望下人地，真係好可惜！！









不過，說到尾，我對自已的老公已經夠滿足的了．．．





以上絕不是安慰與奉承的說話呀～是實話實說～～～