漫步古都 - 二○○七年大京都、小京都冬之旅 - 後記
這次是小娜第二次跟網友一同去日本旅行．上次跟老師和阿茄去了十四天本州，主要行程基本上是由老師負責，因為小娜是後來加入的一個；今次本身其實是集體負責制，只不過很多時都是因為小娜太性急，每每比其他成員功課做先一步，而我的提議幾乎都順利通過，二条城又肯去，蛋包飯又肯食，事實是當時心裡或多或少反而沒信心 ......
兩次的經驗都是開心的，可能因為大家目標一致，口味相近吧．
其實一直(到現在)都有隱憂，因為住宿和食店都是先由我以高超值度(價格不高但又要很吸引)作為選擇基準揀選一批，然後由他們決定，雖然大家最後似乎都沒有甚麼異議，事後看來又收貨，不過向來都知道小臣捨得花錢吃，要跟貧窮的小娜一起價格太低的話會不會要他們太委屈呢，又好像剝削了他們的機會 ......
從交稅後僅有的盤川算算，要以最低價錢，找出最物有所值，甚至物超所值的選擇，唯有勤力點做功課，才可以找到滿足大家的平衡點．我對今次的旅程很滿足也很滿意，最令我喜出望外的是金澤Dormy Inn和下呂觀光酒店．
不過今次偶有失策做少了功課，擺了烏龍呢 ......
舞妓變身是一次意料之外的快樂體驗，最初如果從舞妓體驗和和服散策二選一，我會選和服散策，不過見小卡很興奮的樣子，我又柴娃娃躍躍欲試跟她一起玩，結果發覺原來舞妓變身也十分有趣，尤其是當有人跟你一起分享整個過程和點滴，樂趣是倍增的，如果能夠有多點時間可以出外散策就更完美，化妝做頭髮穿和服都用上了不少時間和精神哦．
今次旅程都有預留血拚時間，不過到回來時還是覺得意猶未盡，甚至有衝動想短期內衝去東京拚一拚 (！)，唔，下次看來要預留一天自由活動時間．但我還是要讚許一下小臣的男士風度，當我和小卡小妹每次在店內拚個不亦樂乎時，他在等候時有時會找個地方坐一坐，又或是隨意四處拍照，有時又會去喝杯咖啡，感覺上會令女士們安心一些，回想起多年前某次某男團友阻止其他女團友購物，對此無理行為到現在小娜還是不能釋懷，不過實在不能用小臣跟此等人相提並論．
還要多謝小卡全程細心照顧和耐性，有時又會給迷茫中的小娜一些很有智慧的建議，間中又會有不少爆笑事件，對於這個樂天隨和又沒有投訴的小友，小娜作為團友都覺得輕鬆不少，還有，我會記得金澤那一鍋美味雜炊的．
小妹這位神奇攝影師也實在應記一功，要不然誰幫我拍浴衣照，還有出浴照 ... 但請原諒小娜慧根低，不懂操作太艱深的相機，白白浪費不少好光陰 ...... 不過還是要長氣地說多次，美麗的風光應該要多用眼去欣賞用心去記住．
估不到整個旅程意料之外地沒有落雪，甚至不覺得冷，要不然一定安排一段駕車行程，還未到期的國際駕駛執照可惜地今次用不上了．
我要繼續努力學日文，為下次真正的駕車之旅作好準備！
LaLa 遊記(7)
1樓
1樓搶頭香
交足功課喎!
上次玩變身, 我都是帶點不願意地去, 最後又真係幾好玩, 係一個特別的回憶!
有你呢個格價專家, 我就很放心! ^.^
下次自駕, 只係聽, 唔好望個gps囉...
2樓
2樓頸推
娜姐原本儲左稿,真鬼馬
3樓
3樓坐沙發
娜姐,編行程時和你"過招"真是會出汗的,兩/三天內決定了這
麼多東西,又把行程反轉了幾次,真是厲害. 此外到詳細找食
肆住宿時,更是叫我眼界大開,想不到你可以在短時間內找到
這麼多又好又超值的酒店和餐館,小臣現在還是一個服字.
我非常滿意這次的旅程,不要"不踏實"了.
我也知道剝削了大家的購物時間,自由活動天是好建議.
4樓
福樓
哈哈~道理我是明的!
不過, 仍在沉迷攝影的我, 暫時是不會聽入耳啦.
因為每當我整理此次的照片, 仍是覺得自己拍不夠...拍不好...
讚譽說話不多說了, 大家心照啦!
總知跟著小娜去旅行, 就是幸福的開始.
5樓
專業的5樓
志同道合的人一齊去日本, 真係一件樂事.....
6樓
6樓
「交足功課喎! 」
梗係，小卡 ......
「下次自駕, 只係聽, 唔好望個gps囉...」
唔望好蝕o咼！比o左錢租o架嘛！^o^
「娜姐原本儲左稿,真鬼馬」
冇貨喇 ......
「想不到你可以在短時間內找到這麼多又好又超值的酒店和餐館」
咪又係Rurubu同Jalan ......
「我也知道剝削了大家的購物時間,自由活動天是好建議.」
唔好咁講啦，基本上今次真係觀光為主，不過你知女人啦，買極
都有 ......
「哈哈~道理我是明的!
不過, 仍在沉迷攝影的我, 暫時是不會聽入耳啦.
因為每當我整理此次的照片, 仍是覺得自己拍不夠...拍不好...」
快o的操熟部機，再出發！
「志同道合的人一齊去日本, 真係一件樂事.....」
老師能夠忍到出年嗎？......
7樓
7樓
"「我也知道剝削了大家的購物時間,自由活動天是好建議.」
唔好咁講啦，基本上今次真係觀光為主，不過你知女人啦，買極
都有 ...... "
唔買都要睇下! ^.^
8樓
8樓
只係聽唔準望個GPS, 我D日文水平還未掂...娜姐終於都交
功課了 ^^
9樓
9樓
「唔買都要睇下! ^.^」
Exact～ly！！！
「只係聽唔準望個GPS, 我D日文水平還未掂...娜姐終於都交
功課了 ^^」
我自從學日文之後都未試過楂車！不過上次都聽到少少
keywords：三百米、目的地，來來去去都係呢幾句．
10樓
10樓
又一段時間沒有睇娜姐的Blog
一睇就係總結tim :D
編行程搵料絕對是樂事, 尤其是與好友磨合
購物簡直是旅遊中的神聖任務
雖然我並不是攝影能手
但都會好似小妹一樣的行為 he.....he.....
11樓
11樓
想不到娜姐這篇後記會出現這麼多的自謙...好像是沒信心吧了...哈哈哈
<美麗的風光應該要多用眼去欣賞用心去記住..> ...這便是旅行的實際意義，
把好風光盡留在自己的眼底，好好欣賞，好好享受.....^_^
12樓
12樓
係先聽到: まもなく...
大鄉里的我, 覺得個gps好勁... 行高速個時, 又曉計數... (計料金)... d日文又
好聽!
13樓
13樓
真高興，可以看到來自小娜的點滴的分享。
我喜歡逛街購物，大概不是阻止其他女團友購物的此等人。哈哈！
14樓
14樓
想回來，上次雖然只是跟老師及小娜一同遊玩了三天，
但真的很開心。
當然，上次和小貝小蝦去東北，更加是....妙....妙....妙。
15樓
15樓
茄: 一齊好玩的話, 夏季一起再去北海道看花吧 ^_^
16樓
16樓
真係對唔住大家，公司又上唔到，番到屋企又冇時間，係呀，
又係三點呀 ......
小奇，我都算創新，未寫遊記先寫後記 ... 不過遊記梗係睇
小臣o個個啦！
瘋媽，信心真係冇乜o架，準備又好似唔係好充足 ......
其實まもなく點解？
小廉老師你買得仲狼過我！
茄兄，點解同小貝小蝦係”更加妙”？言下之意 ......
到底其實小貝確定出發未呢？
17樓
17樓
小娜, 你晌車站, 列車到站前, 你咪聽到:
まもなく、2番線に...
俾你嚇一嚇, まもなく唔知有無打錯呢?!
18樓
18樓
茄兄那句"更加妙", 又令我想起... 混浴...
まもなく... 無打錯, 查下啦!
19樓
19樓
自己查 ... OK ......
蕃茄有好o野收埋又唔拎出o黎 ......
20樓
20樓
我出發日期已確定, 不過要五月至肯定去不去....