濃濃香香紅酒燴牛肋骨
早前中秋節那天，初次嚐試弄牛肋骨這種食材，效果是意外的好，入秋後享用會更合時呢！
紅酒燴牛肋骨
材料：急凍牛肋骨8條、番茄4個、洋蔥1個、甘筍1條、新薯8隻、蒜頭3瓣、牛油（奶油）5克、麵粉2湯匙
醃料：喼汁1茶匙、鹽1/4茶匙、黑胡椒少許
紅酒汁：紅酒250毫升、茄汁2湯匙、日式豬排醬1湯匙、雞湯250毫升、意大利雜香草/
調味：鹽/糖/黑胡椒各適量
做法：
1. 牛肋骨解凍後抹乾水，加入醃料拌勻，拍上麵粉。
2. 蒜頭拍碎，洋蔥切小塊，甘筍滾切成小塊，新薯洗淨連皮對半切，番茄切小塊（但不要太細）。
3. 鑊燒熱後收細火，加入牛油，立即放入牛肋骨，轉大火，煎至兩面金黃，取出，備用。
4. 原鑊加入蒜頭、洋蔥、甘筍、新薯爆香，至洋蔥開始軟身，加入番茄塊（留一個番茄後下），再炒香。
5. 加入牛肋骨同炒勻，倒入拌好的紅酒汁，如果水份蓋不過材料，可以適量添加。
6. 煮至大滾後加蓋，收細火炆45分鐘．打開蓋，檢查牛肋骨是否夠腍身，夠的話便可再開大火，翻煮兩下，加入調味便可。
公主貼心提示：如果用這個汁來拌意粉，可以將煮熟的意粉用蒜茸略炒，再搯紅酒汁來快炒幾下，吃時才拌上牛肋骨和配菜便可。
Today's Visitors: 0 Total Visitors: 113
Personal Category: 主菜
Topic: life / food / recipes
Previous in This Category: 小公主愛心餃子 Next in This Category: 意想不到的美味鐵蛋波兒
Previous in This Category: 小公主愛心餃子 Next in This Category: 意想不到的美味鐵蛋波兒
1樓
1樓搶頭香
公主出手果然有料到呀！
要做呢個食送好似唔係咁易喎
要做得好食照睇好似有D難度
不過有時間我都想試下做
現在我呢度又有新颱風呢
唔知香港個風走左味呢
小公主你既身手都唔簡單喎、…哈哈哈
2樓
2樓頸推
公主
請問呢款新薯是否迷你size, 連皮煮有咩好處, 要唔要連皮都食? 哇哈哈...
3樓
3樓坐沙發
羅斯哥哥，哈哈，我以為你忙到都唔會過黎呢樹行下添．哈．
呢個菜式我都係頭一次做，牛肋骨喎，好似好勁咁，哈哈，我都一直以為會好難煮，但煮落又ｏ
ｋ喎，你都試下吖～
香港個風走左啦，那天我都係要返工．台灣個新風叫薔薇，好好聽咁，希望唔好咁勁啦～
上次個風搞到盧山溫泉區浸晒，我好唔開心呀～
June姐姐，新薯呢．．以前好high得超市先有，家陣唔知點解街市都有，仲平好多，六蚊一袋
咋，就係細細個似芋頭仔咁size那種，我自己鍾意叫佢地BB薯多ｄ，哇哈哈．
新薯的肉同皮都好嫩，而且皮薄同埋無咩泥，所以ｄ皮真係可以食埋架，我都食埋架真係．你刷
乾淨ｄ皮就得架啦（其實都無咩泥），西餐好多時都係就咁烚熟黎切片做沙津架～
而且細細粒，好可愛架，你唔覺咩？哇哈哈～
4樓
福樓
睇落真係好正呀,你煮西餐咁叻,可以去西餐廳做大廚呢.