飯碗裏的小蟬

疏懶了

Wed, 09 Apr 2008 07:06:00 +0800

由於最近這個blog==>無名, 唔知乜事, 我係公司update唔到個blog, 所以此blog最近都疏懶了.....

為解決呢個問題, 睇黎都係時候搬竇了..... 不過暫時未物色到好既地方落腳.

既要免費, 又要有夠大的容量比我擺放相片(無名話晒都有5Gb容量, 相比yahoo的6mb.....唉....) 所以呢.......well.....

(More......)

神廚館

Fri, 04 Apr 2008 07:00:00 +0800

一間外貌極為普通的茶餐廳, 唔係因為睇左食評, 真係唔會入去, 因為間野只有三張台, 門口又多馬蘭奴喎....WELL.....

為左佢既墨魚餅而特登去既, 果然名不虛傳.
很脆口的外層, 軟滑的黑魚餅內層伴著粒粒墨魚碎, 好好味呀......
另一個係跟餐會有既魚湯, 唔錯, 至少唔係咁味精, 夠清.
咁好味既墨魚餅飯, 都只係賣$33, 值得一試.

地址 : 大角咀海景街44號富貴大廈西座地下(奧運站果個匯豐中心對面, 很易搵的...行落三四條街口就係金船長餐廳添)
(More......)

甘味

Thu, 03 Apr 2008 23:13:00 +0800

主打話係烏冬, 不過我就覺得以烏冬黎講, 以赤丸的較好食, 而與萬豚屋更無得比(彈牙D, 湯底又好味好多).

去片....

千萬不要吃天婦羅, 十分不濟, 炸粉又厚, 肉質又無味.
(More......)

井吉日本吉列專門店

Wed, 02 Apr 2008 23:41:00 +0800

係睇網上既食評都話唔錯, 所以襯去開尖沙咀, 特登去試下既, 不過因為個地圖show到不輪不類, 明明就好易搵, 但結果在同一條街上都蕩左兩三次先去到.

但都值得既, 我點左既係吉列豬扒飯, 白飯任裝, 沙律菜任添, 白飯係珍珠米添呀, 依家連D泰國白米都搶, 黎呢度食珍珠米咪好抵lor......hahahaha

去片 ...

老實講, 我大鄉里, 真係未食過咁好味既吉列豬扒, 好正呀.
(More......)

經濟學 (作假帳的原理)

Tue, 01 Apr 2008 23:47:00 +0800

兩個聰明的經濟學天才青年，經常為了一些高深的經濟學理論爭辯不休。

一天飯後一起去散步，

為了某個數學驗證的證明兩位傑出青年又爭執了起來，

正在難分高下的時候，突然發現前面的草地上有一堆狗屎。

(More......)

Say it to me now、When your mind's made up

Mon, 31 Mar 2008 07:00:00 +0800

後補多兩首《Once》內男主角唱的主打歌，其實都幾好聽的。

Say it me now ~ 女主角認識男主角的開幕歌

When your mind's made up ~ 大家去錄音室錄的第一首歌，並且感動到果位調音工作人員，呢幕我都幾鐘意
(More......)

《Once》

Sun, 30 Mar 2008 23:00:00 +0800

故事發生在一個文化古都，柏林。賣唱男孩有個音樂夢，賣花女孩愛上他的聲線，放下一枚硬幣，他們就此遇上。女孩愛彈鋼琴，男孩要聽，她沒有琴，就到相熟的琴行，坐下彈孟德爾頌。聽著聽著，他愛上了她，她也愛上了他。我們愛上了這部電影。
愛情片濫調到今天，竟見意境如此清新，含蓄雋永之作。男女主角和導演都熱愛音樂，身為主音歌手的男主親寫下有rock有folk八首音樂，情味餘韻久久不散。今荷里活汗顏至誠自主之作。

導演只用了十萬歐羅低成本，兩個星期就完成此部戲，整體感覺是拍得隨意寫實，但音樂卻會停留在腦中繞樑三日。電影已經是２００６拍的，但要兩年後才來到香港首播，幸好好的電影總有知音人，遲下戲院會上呢套戲，雖是短短的１．５hours，但值得一看。

－－－－－－－－－－－－－－－－－－－－－－－

我喜歡女主角的聲線，有種凄美感，其中由她唱的《If you want me》及《The Hill》我都很喜歡。
(More......)

辦工室真言十八式

Fri, 28 Mar 2008 07:02:00 +0800

一、        樹大易招風，胸大多人碰
二、        傳聞辨認通例：兩成當發生，五成當係真
三、        愛上老細，九成乞米
四、        愛上公司，肯定白痴
五、        三五成群，邊有好人
六、        庸脂俗粉，唔慌穩陣
七、        天生一副小人相，額尖面窄嘴舌長
八、        老細聚頭，梗有計謀
九、        老友握手，梗有人走
十、        天生庸材亦有用，捱你唔死一世窮
(More......)

偏偏又係搵著我

Thu, 27 Mar 2008 11:17:00 +0800

今日返到公司都好正常咁，個煩人上午放假，諗住煩少個上午啦，點知無啦啦一個電話打黎，叫我去做替位，事關原本做替位果個突然病左，咁我即係替上替．．．．．

點解又係搵我？　睇返個Roster，我已經係累積左１６日，而其餘４個人，只係12.5日，13日，14日咁．．．．．．點解又係我．．．．．．．．我諗我真係好蝦Ｄ，所以做親替工都係最多日子果個．

算啦，諗住可以見下個型仔大老細，都算啦．．．．．點知過到黎，才發現果個大老細都放緊長假，要４月至返，由另一個人做替工，唉．．．．．．

希望今日可以平平安安咁渡過～ (More......)

健康齋餐

Wed, 26 Mar 2008 23:08:00 +0800

今日開始，決定實施以番薯代餐，雖然我就無乜便秘問題，日日有得去架，主要目的係想唔再肥落去．．．．．．

事關我既體重已經到左忍無可忍既地步，登登登．．．．．１２５磅呀～　唉．．．．．．．

所以要開始控制下，晚餐改為番薯主食，配以番茄／洋蔥／南瓜，希望唔好再咁肥落去了～

(More......)