**[Last Smile, First Tears]**
E 搬走了, 係佢搬走個一刻, 我係完全無感覺, 係真係無感覺.
我係syd返黎之後, 我問佢既第一句就係 "你幾時搬", E答我 "聽日中午"
夜晚, 佢煮左面, 仲問我食唔食, 煮埋比我. 我心情係好矛盾, 我想佢煮ga, 不過我真係食唔落, 無咩心情去食, 由SYD返到BNE既感覺咁本上就係天堂同地獄既分別.
去完SYD, 我先發覺原來我自己一直都係係度逃避, 另外, 我一直都係對自己無信心, 講既就好似好有信心, 實際上係完全無. 就係似, 我自己會成日問人 "其實我同你, 叫唔叫係好朋友, 有幾好, 有幾重要??" 我可以為我愛既人, 付出任何既野, 唔係一定要係男女朋友既愛, 反而係兄弟/朋友既愛, 我既信心從何而黎呢?
我既心情係多麼既矛盾: 一直心想 "你快D搬啦, 你搬左就唔好再返黎". "如果你要搬, 最好唔好比我見到你搬, 我唔想幫你執手尾"; 其實我既心諗緊咩, E係最清楚, 我甘本上就過唔到自己個關, 口是心非...
當失去左, 先懂得去珍惜, 如果你問我有無後悔去識到佢, 我會同你講有, 因為我覺得如果我無左佢, 而家就唔會咁痛苦. 不過清楚我既人, 應該知道呢個唔係後唔後悔既問題, 係重唔重視既問題.
如果我對E唔重視, 我就唔會咁容易比佢影響到啦. 而家E唔係我身邊, 遲早都有一日會習慣, 不過直到我睇左E寫比我既個封信,..
原來我其實唔係好清楚我自己, 又或者可以話我唔肯去接受我自己. E, 真係了解我, 我成日都活係自己既世界, 人地都唔知我諗緊咩. 我對佢好, 佢係知道, 如果唔係佢唔會同我解釋咁多野. 兄弟之間既野, 心照. 佢可能都係知道以我既性格, 會自己諗埋一邊..... 係, 好多人都同我講我諗得太多, 我太多既野要憂慮了. 因為我睇唔我自己既路, 我迷失了.
睇完佢封信..... 哭了. 我唔知係開心, 唔開心, 唔捨得定係咩. 不過我有一份自責既心, 原來我一直都無信過佢自己係咁識諗, 唔係真係完全既唔識諗, 但係低估左D E係我既錯. 我愛佢, 所以我重視佢. 我唔希望佢受到傷害. 講真既, 佢係我第一個全心全意既去愛既一個兄弟. 我地而家各自有新既生活, 我真係充心既希望, 佢會生活得開心, 亦都希望佢會搵到一D對自己將來係好既朋友, 離開一D損友.
睇返之前, 我今年真係同佢影少左好多既相. 我成日話我同E既關係就好似 K 同 T既關係, 其實唔係, 可能我地既關係真係同其他人無得可比.
而家既生活, 認識了P, 我當P為我另一個既好兄弟. 係E身上, 我學識了就算係幾親都好, 都要有D既距離. 始終人係要有私人既空間. 雖然我真正認識P既時間唔係好長, 但係我同P, 唔可以講係一種親人既兄弟, 不過係一種好朋友既兄弟. 我唔知P點睇我, 但係我係有信心既, 就應該知道, P對我既睇法都係一樣.
就係因為咁, 我自己私下成日將E同P去比較, 但我用人去比較係一種好差既做法. 我地兩個如果真係相似既, 我地應該都係個D對外有信心, 對內無信心既人. 我地自己都會有自己group既朋友, 無可能成日一齊, 可能我對P既恐懼感係在於我地始終有一日會分開, 我怕我會同P有同E相同既事件發生. 因為E真係令我好傷, 我太重視E了. 一旦投放了感情係中間, 要離開, 就好難ga la. 因為我怕會有改變, 係最開心既天堂, 跌到地獄中, 反差太大了.
P對於我, 唔可以話係一個E既substitution, 始終我同P先係真正朋友既個種兄弟, E就係我親人個種既兄弟.
At the moment i can tell:
I love E as my brother
i love P as my brother
