June 18, 2008

閩南語之美---懷念的旅遊

閩南語之美---懷念的旅遊
心情放予輕鬆,推動母語是文化的傳承,語言毋若是溝通的工具,抑是思考的工具,更加是文化的依附,透過語言,我們會使了解祖先的生活佮智慧,尤其是咱的母語,祖先到咱的父母一直使用的語言,從八十七年以來,全國語文競賽共所有的語言攏加入,予閩南語有一個舞台通展現,一年比一年擱加進步,尤其即幾年的鄉土語言推廣,雖然得著政府的支持,上界重要,是愛有心人來投入搶救將被遺棄的語言,未來才會生機。下面是我親身到澎湖旅遊,以「台灣鄉土
文化」的觀點所寫一篇演講的故事---「懷念的旅遊」。

各位評判老師,各位同學,大家好,今仔日我所要演講的故事是「懷念的旅遊」,你敢知?我上懷念的旅遊,毋是出國遊覽,嘛毋是住高級飯店,是去一個上界有古早味的所在—著是澎湖,當飛龍機降落佇媽間機場,四面攏是青乳乳的樹林,樹林的後壁面,是闊莽莽
的大海,海風是一陣擱一陣,你敢知,我的身軀邊阿無zak8冊包仔,外好你敢知?
其實,上懷念的,毋是sing3海風,食海產,是澎湖的人情味佮古早味,若來到澎湖,毋通袂記得喔,上界重要的,是租烏都bai3,做腳力,走東走西真方便,阿母騎一台載阿姐,阿爸騎一台,載我這個心肝寶貝,阿爸著講:「先共澎湖旋一滾。」擱走毋二十分鐘,煞咧顧路,阿爸著講:「阿!真歹勢,傷過歡喜,煞袂記得加油!」即个時陣,進無步,退無路,你敢知?一目爾,著有四五人倚過來,阿無相識,煞相爭欲共你撘油,擱問阮位陀位來?he5是外爾仔感心你敢知?
斡頭來到上界古早的媽祖間,有三百外年歷史的喔,聽人講,悉當時,咱的祖先,唐山過台灣的第一站,著是澎湖,阿爸講:「討海人的運命,欲去烏影,毋去世吊鼎,擱愛請媽祖來保庇。」所以,媽祖間用的,攏是上界好的材料,袂一枝柱仔、斗仔,攏有泉州師父的手藝喔!煞予我hip8一大堆的相片。媽祖間的邊仔,有一條巷仔,雙爿邊攏是咧賣古早味,黑糖粿、冬瓜糕,食著會煞嘴,位內底一直行,會看到有四百年歷史的四空井,即口井嘛真有人情味喔!一口井有四个空,予「象」水的人毋免等傷久的,我問遐的人:「即口井即碼敢會食即!」人著講:「是會食即,無拘,愛有勇氣!」逐加人是笑擱嘴仔裂(li)獅獅,最後,是無人敢食。佇遮的古早厝有一大堆,上有名是二崁古厝,住佇遐的人咧講的台語,真趣味,「抓魚」講「抓扶」;「好食」講「好食」,雖然口音無相同,無拘,攏聽有in1咧講舍。
黃昏的時陣,來到觀音亭的海岸,規的海水染擱紅記記,實在有夠嫷。阿母講:「咱無通走,ing1暗欲放煙火,暗頓擱款來遮食。」當路燈一個一個點著,人煞愈來愈濟,煙火滿天飛,親象彩色的花蕊開佇天頂,發出萬道金光,逐家人共伊的歡喜喝出聲,擱有一陣快樂的pok4仔聲,上界無閒的是我的目珠,安若看嘛看袂sing3。欲轉去的時陣,阿爸共阮講:「擱ka1歡喜的代誌,un1那會過去,食糖算頓,食水久長,平靜的生活卡實在,平安就是福氣。」阿爸講了真有道理,雖然,我真懷念即蓋的旅遊,我咧想,平常食的生活嘛愛過予水,我的演講到這為止,多謝。
在台語的路上,有你我的支持,感情來聯協,誠懇來作伙,一步一腳印,母語的芳,共唱予滿四界,現出台語的美麗。

0推薦此文章
Today's Visitors: 0 Total Visitors: 4
Personal Category: Uncategorized Articles Topic: travel
[Trackback URL]

Post A Comment









Yes No



Please input the magic number:

( Prevent the annoy garbage messages )
( What if you cannot see the numbers? )
Please input the magic number

誰來收藏
Loading ...
unlog_NVPO 0